Home Internacional Un ex agente di CIA a revela cua tabata e ultimo palabranan...

Un ex agente di CIA a revela cua tabata e ultimo palabranan di Che Guevara

937

“E tabata blanco manera un papel”. Ernesto Che Guevara a reacciona asina ora cu el a haya informacion cu autoridad a manda un orden pa asesin’e, asina Félix Rodríguez un agente di CIA a splica, pasobra e tabata ey durante nan ultimo conversacion. Felix Rodriguez a comanda e captura y asesinato di e guerrillero Guevara.

“Comandante ta duel mi, pero ta un orden di e alto mando Boliviano,” Rodriguez a comunica na Guevara, segun un testimonio di e ciudadano Cubano-Mericano durante un entrevista cu CNN, 50 aña despues di e suceso. Despues di e noticia, e ciudadano Argentino a bisa: “Asina ta miho, ami nunca mester  a keda deteni bibo.”

Sin embargo, ora cu el a cay preso, un  dia prome, el a bisa: “No tira mi, ami ta Che Guevara y ami tin mas balor bibo cu  morto,” Rodriguez  a bisa.

Despues el a saca un pipa di su saco y el a pidi algun hende ey si lo por a duna e pipa na un soldad cu tabata bon cune. Sin embargo, e sargento Mario Teran a drenta y el a bisa Guevara “ami kier e pipa capitan.” Guevara a nenga Teran e pipa y finalmente a dun’e na Rodriguez. Teran ta e persona cu a ehecuta Guevara.

Ora cu autoridad a puntra Che Guevara, si e tabatin algun otro mensahe, Che Guevara a bisa: “Bisa Fidel Castro cu e lo bay mira un revolucion triunfante na America.” Segun e ex-agente, Guevara tabata sinti engaño, pero igualmente e tabata confia den un proceso di victoria. Guevara a manda un mensahe pa su casa tambe:  “Bisa mi casa cu e purba di casa atrobe y di keda feliz.” Despues cu el a haya sa cu no tabatin mas nada pa bisa, anto el a brasa e agente ey y el a lanta para firme pasobra e tabata pensa cu Rodriguez tabata e agente cu lo mat’e. Sin embargo, e oficial a sali di e camber y el a duna orden na Teran; asina Teran a  drenta, y finalmente a caba cu bida di e guerrillero.


Rodriguez a acepta cu ora cu e mester a cambia e orden di ehecucion, tabata un situacion hopi dificil, y el a pensa pa laga Guevara den libertad, pero un recuerdo a influencia su decision. “Pa un militar ta dificil duna un orden pa mata un persona, pero ami a pensa riba tur cos cu a tuma lugar na Cuba, tempo cu Fidel a haya su libertad, anto mi a laga historia continua su curso,” el a splica.

E ultimo homber cu Guevara a papia cune tabata Teran, aunke e encuentro tabata menos cu un conversacion pa e nerviosismo di e sargento, y tur version ta manera un reconstruccion di un mito. Pero mayoria di testimonio ta conclui cu Guevara lo a ordena sargento Teran: “ keda trankil y tira bon: abo lo bay mata un homber.”