Home Den Mi Cabes ‘Ta con mi ta bay trece e positivismo, si bo ta sigui...

‘Ta con mi ta bay trece e positivismo, si bo ta sigui duna mi negativismo’

142

NG Yakari.jpg

Mi hendenan! Bomboshi! Ambiente! Ken tur ta cla pa carnaval? Den dos siman mi ta bay bek Hulanda y bon bida a caba tambe. Haya mi ta wak video di dia cu e sneeuw a cay pisa y di pensa cu mi tin cu bay bek mi ta ansha. Pero bon, ban papia! Aña a bolter y mi no a haci nada fuera di lo ordinario.

E mesun bomboshi di tur aña, mama ta yena e cas cu huma pa core cu cos malo. Manera bon Latina el a tira yen bonchi y aros den cas pa abundancia. Laga tur pa ami bari e siguiente dia pasobra “Algo tienes tu que hacer en esta casa” Ey masha ferfelo mi hendenan. Pero bon, mi a haci mi resolucion, skirbi mi metanan y priminti mi mes “E aña aki si”. Nada special, aunke tin ora mi ta kere mi ta Beyonce, mi ta mes regular y fake cu tur otro hende. Referiendo bek na e titulo di positivismo, e ta eigenlijk di un video cu tabata hopi popular online e ultimo lunanan di 2017. E tabata di un guy bruin chikito den su camber, cu un peluca bisti, cu un thick african accent. E tabata bisa “It has come to the point in my life where negative people im gonna cut out, I ain’t playing games no mo. I will zoom you”

Y cada biaha cu e tabata bisa zoom you e tabata saca un spray di baygon y haci manera cu ta un muskita e ta spuit cu ne. “If you are negative, zoooom!”, “If I feel like you’re going to be negative, zoooom!”, “if you look negative! zooom!”. “How am I gonna be the positivity, if you’re giving me negativity?” Esey tabata su gran pregunta. Claro cu e echo cu gramaticalmente e zin no ta corecto y e guy no por a tin mas cu 14 aña tabata duna tur cos mas humor ainda. Segun e, “there is no more time for negativity this season, i cannot be dealing with your foot foot non sense.” Poco siman pasa mi prima di 12 aña a bisa su pais ta bay atras, esaki cu ta un tiki mas grandi ta bisa e ta bay cut tur hende negativo den su bida.

Muchanan ta pasa di baby pa adulto aparentemente. Niun tin niñes ni inocencia mas? What went wrong mensen? Di berdad, e siman aki nada interesante a pasa. No tin mucho di analisa ni di comenta tampoco.

Mi kier bisa cu mi tambe ta bay zooom tur locual ta negativo den mi bida, pero tin dia mi ta pensa cu mi mes ta e cos negativo den mi bida. Si mi no cambia mi estado di animo, no tin manera di progresa. Aña a bolter y e mensahe ta simpel, ban haci nos best pa cuminsa positivo. Pasobra si no, ta nos mes nos tin cu zooom mi hendenan. No laga cosnan chikito afecta bo di gran forma. No ban hoga den un glas di awa. Its all about the positivity!