Home Regional Señora di 61 aña tira mata durante votamento na Venezuela

Señora di 61 aña tira mata durante votamento na Venezuela

83

Miles di Venezolano a subi caya diadomingo na Venezuela, conhuntamente cu otro comunidadnan Venezolano rond mundo, pa haci un voto simbolico rechasando e plan di presidente Nicolas Maduro pa cambia e constitucion. Xiomara Soledad Scott, un enfermera di 61 aña di edad a wordo tira mata durante votamento na Venezuela diadomingo atardi na Caracas. E señora a fayece algun minuut despues di yega hospital.

Algun homber desconoci riba brommer a pasa y tira riba hendenan cu tabata parando den fila, heridando tres otro persona y kita bida di e dama. Oposicion ta culpa un ‘gang paramilitar’. Tin video riba rednan social cu ta mustra hende ta core manera cu e tiramento a inicia. Hopi di nan a core bay sconde na un misa. Esaki ta e prome y te ainda unico reportahe di violencia cu a pasa na Venezuela durante e proceso di voto aki. Akinan na Aruba sin embargo e proceso tabata uno cu a bay hopi trankil y cu basta ambiente. Na Aruba un total di 4345 persona a deposita nan voto pa habri caminda na un gobierno nobo pa e pais.

E crisis na Venezuela ta sigui bira mas fastioso unda cu ya 100 persona a perde nan bida caba pa motibonan politico desde luna di april.