Home Deporte Run For Your Heart un biaha mas den Ronde van Aruba

Run For Your Heart un biaha mas den Ronde van Aruba

25


E aña aki, Ronde van Aruba ta cumpli su 25 aniversario. E actividad aki ta wordo organisa door di Korps Mariniers kazerne Savaneta. Riba e anochi di 19 di mei manece 20 di mei tur participante lo cuminsa e careda aki di core ful rond di Aruba. Lo tin diferente categoria masculino y femenino. Guardian Group un bes mas ta un di e sponsornan di e actividad aki. E prome team femenino Run For Your Heart lo representa Guardian Group.

E team aki ta consisti di varios coredo experiencia manera Judelca Briceño, Judesca Briceño, Monique van Emden y Esmeralda Hendriks. E damanan aki ta wordo guia door di RFYH coach Koosveel. Cada un den pasado a participa den Ronde van Aruba. Como coredo di e grupo Run For Your Heart, e da- manan aki a specialisa den coremento di distancia largo; di 10km te cu marathon di 42.2km. E damanan e aña aki lo participa na diferente careda internacional na Madrid, Spaña y Chicago, USA. Banda di Ronde van Aruba, e damanan di Run For Your Heart lo participa tambe na e My Guardian Group Walk & Run riba 11 juni, 2017.

E grupo ta motiva pa sigui crece, y cual a cuminsa un di dos team di dama di Run For Your Heart, pero tambe dos team di duo masculino. Guardian Group y Run For Your Heart kier motiva comunidad pa sigui cu un lifestyle saludabel. Guardian Group y Run For Your Heart kier desea tur participante di Ronde van Aruba hopi exito.