Home Regional Presidente di Euro parlamento ta apoya sancion contra Venezuela

Presidente di Euro parlamento ta apoya sancion contra Venezuela

129

Presidente di parlamento Europeo, Antonio Tajani, a duna su apoyo pa tur sancion cu a wordo comunica di banda di un grupo cu ta contra gobierno di Venezuela. E conhunto di sancion ta wordo dirigi contra e uzo di arma di candela y otro material cu por wordo uza pa reprimi ciudadanonan na Venezuela.

Tajani a comunica riba su cuenta di Twitter cu “e conhunto di sancion contra gobierno di Venezuela ta un decision corecto y cu ta hiba e pais pa e caminda di democracia. Parlamento Europeo ta e prome cu a solicita e conhunto di medidanan aki y parlamento aki lo continua duna nan apoyo pa Venezuela”.

Varios canciyer di Union Europeo a tuma varios medidanan, entre nan un embargo di arma y un ley nobo cu ta sanciona hende cu lo haci algun violacion grave di derecho humano. E sancion aki lo bin cu obhetivo di faborece e oportunidad di dialogo na Venezuela.

El a prohibi e benta di arma pa Venezuela y tambe a bisa cu nan ta traha riba un sistema cu lo por vries activo y duna restriccion di biahe pa algun funcionario Venezolano, manera un medida di presion riba presidente di Venezuela, Nicolas Maduro.