Home Regional Partido comunista y FARC lo busca un alianza pa eleccion di Colombia...

Partido comunista y FARC lo busca un alianza pa eleccion di Colombia 2018

29

Partido Comunista Colombiano (PCC) y gueriya di FARC, di cual nan miembro lo ta den proceso di transicion pa bida civil,  a bisa cu nan lo busca un alianza pa proceso di eleccion presidencial di 2018, cu otro sector di pais cu ta duna nan apoyo pa acuerdo di paz.

Den actividad cu ta parti  di  XXII congreso, cu a ser  inaugura diahuebs ultimo,  e partido PCC  lo desaroya un programa di reforma, basa riba un  apoyo pa e proceso di paz entre gobierno y FARC, Jaime Caycedo Turriago, presidente di partido a splica. Lo busca un acuerdo pa haya un candidato so, pa asina por defende e proyecto di paz, Turriago a bisa den un ceremonia, caminda halto mando di Farc tabat forma parti. Ora cu comandante di gueriya Carlos Antonio Lozada, a ser consulta riba perspectiva pa e proceso di eleccion presidencial di 2018, el a splica cu e prioridad di Farc awor ta  “unidad di banda di tur sectornan cu ta busca paz y no guera.”

Farc ta e principal gueriya di e pais aki, y tres siman pasa nan a conclui nan proceso di desarme. Farc a declara algun luna atras cu nan lo apoya un gobierno di coalicion cu por garantisa e cumplimento di acuerdo di paz. Forsa Arma Revolucionario di Colombia ta planea pa celebra na luna di augustus un congreso, caminda nan por establece nan strategia politico y asina por defini como un partido politico mas, na caminda pa eleccion legislativo y presidencial di aña 2018. Ricardo Téllez, miembro di halto mando di FARC a bisa cu “nos no tin awor un candidato (…) nos ta pensa cu e proceso lo tin suficiente candidato, nos mester un acuerdo comun di entendimento, solamente.” E acuerdo di paz ta garantisa pa FARC un minimo di 10 asiento den Congreso, durante un periodo legislativo. Pa hopi aña e partido PCC a ser denuncia como un partido hopi cercano na FARC, y pa tal motibo su miembronan a denuncia hopi biaha persecucion politico contra nan.