Home Den Mi Cabes ‘Ora e fundeshi ta fuerte, e cas no ta kibra mesora’

‘Ora e fundeshi ta fuerte, e cas no ta kibra mesora’

412

NG Yakari.jpg

Mi hendenan, con cos ta? Nos tin gobierno nobo caba? Si? No? Ban spera e asunto wordo resolvi pronto. Asi no se puede mi gente. Pueblo ta wardando pa cos bira miho. Come up cu tur e promesanan bunita cu mi a tende durante campaña. Tik tok tik tok. Ami ta haya Hulanda laaf, e weer ta laaf, nan no ta haya hende Caribense leuk y e discusion di zwarte piet a cuminsa atrobe.

What else is new? Nada. E mesun circulo vicioso y mientras tur hende ta keda bira e tema pa purba di haci esaki uno aceptabel. Corantnan na Hulanda ta publica articulo cu titulonan manera ‘Een beetje racisme moet kunnen’. Hulandesnan riba Twitter ta tweet ‘Waarom is racisme eigenlijk zo erg dan?”’ Den pleno luz di dia, den pleno 2017. Sin berguensa algun. Wel, at least nos por ta contento cu nan ta racista den nos cara y nan ta admiti esaki tambe. No manera nos Arubianitos nan cu ta bisa: no tin racismo, nos tur ta mescla. Ami ta pensa cu Aruba cu Hulanda ta e mesun locura djis den un diferente contexto cultural.

Esaki no ta algo cu mi no a yega di bisa prome. Tin ora tin cu djis keda ripiti algo, te ora hende corda. E mesun xenophobia, e mesun racismo, e mesun biba den denial pasobra si nos no menciona esaki e kiermen cu e no t’ey. Yo no me doy mala vida por eso. Bringa contra ken y kico mi hendenan? E Dominicano tine contra e Haitiano. Den e atmosfera Latino den su totalidad e Dominicanonan no ta ni conta mucho pasobra nan ta considera nan demasiado bobo. Cual den un otro contexto lo por ta racismo tambe, pasobra e mayoria di e poblacion Dominicano ta Afro descendiente.

Na Aruba nan ta menosprecia Latino pasobra hopi di nan no por papia Papiamento bon. Bo ta bin Hulanda, bo ta papia cuatro idioma, bo por comunica cuatro biaha mas hopi cu e
Hulandes comun y coriente anto kico? Bo no ta bal nada akinan anto yiu. Cu bo papia Hulandes mes nan ta hari bo pasobra bo accent ta pret. Integra ta un mito mi hendenan, biba bay laga nan. Unda cu bo bay na mundo tin un grupo di hende cu ta den welga cu un otro grupo. E unico utopia cu nos ta tende di dje ta Canada y even eynan mi ta duda cu cos ta mes bon cu nan ta bisa. Te ora un hende muhe color scur, cu sobre peso, cu un cara y cabey notablemente Africano, cu ta lesbiana riba dje no bisa mi cu Canada e ta wordo trata bon, mi no ta bay kere ningun otro hende. Mi hendenan, e unico cos cu bo por haci pa combati discriminacion, podise ta tene confiansa den bo mes. Wak pa bo fundeshi ta fuerte, pasobra mundo henter lo purba di sacudi bo cas. E secreto ta
den stima ken bo ta y di unda bo ta bin. Bo yama mi allochtoon, e no ta haci mi dolor.
Dat ben ik. Bo yama mi un Latina, e no ta haci mi dolor, dat ben ik ook. Ora bo yama mi
cabey ‘kroeshaar’, e no ta haci mi dolor tampoco, dat heb ik. Ora bo ta sigur di ken bo ta
y di unda bo ta bin, niun hende por kita bo dignidad di bo. Dus bij deze, ben mooi, ben
speciaal, ben lekker Caribisch.Vind je me niet leuk Babijn, dat is jou probleem. Doei.