Home Internacional Merca lo retira for di UNESCO

Merca lo retira for di UNESCO

259

Oficialnan Mericano ta bisa cu Merca lo ta retirando nan asociacion cu UNESCO, despues di  tanto critica cu a keda bin dilanti tocante resolucionnan di e agencia cultural di Nacionnan Uni, cual Washington ta mira como uno anti-Israel. Mientras cu Merca a stop di distribui fondo pa UNESCO despues cu el a vota pa inclui Palestine como un miembro na 2011, departamento di Estado a mantene su oficina di UNESCO na Paris anto a busca pa introduci algun medida tras di lomba.

E retiro a keda confirma por medio di oficialnan Mericano cu a opta di keda anonimo. Pasobra nan no a keda autorisa ainda pa anuncia publicamente e discusionnan cu ta tumando luga.

No ta conoci ki ora e decision aki lo keda formalmente anuncia. E decision ta bini durante cu e organisacion di educacional, cientifico y cultural ta den proceso pa vota pa un director nobo e siman aki. UNESCO ta conoci pa su programa World Heritage cu ta protege sitionan cultural y tradicionnan rond mundo. Merca a yega di sali for di UNESCO den añanan 1980 pasobra Washington a expresa cu e organisacion no tabata tin un bon maneho y tabata wordo uza pa motibonan politico. Despues nan a bolbe join bek na 2003.

Fuente: NEWS. AU