Home Internacional Merca a alerta ONU riba menasa di Venezuela

Merca a alerta ONU riba menasa di Venezuela

404

(BioBio).- Merca tin su confianza riba un reunion cu lo desaroya awe, pa discuti e topico di Venezuela, cu obhetivo di haya algun solucion, cu por evita cu e crisis di pais aki,lo por bira un menasa di siguridad pa henter region, documento Mericano cu a wordo manda pa conseho di siguridad di ONU a splica.

Nikki Haley, embahador Mericano na ONU a dirigi e reunion informal di conseho awe, caminda nan lo a discuti e crisis na Venezuela. Sra. Haley a bisa cu e crisis di Venezuela por bira pio ora cu e declaracion di default di e debe externo di Venezuela sali na luz publico.

“Comunidad internacional ta busca pa traha uni, dilanti di e crisis cu ta desaroya y perhudica Venezuela, prome cu crisis bira pio y por bira un menasa pa paz internacional tambe”, mision Mericano a bisa riba un documento cu AFP a haya.

Venezuela ta bibando un crisis severo, despues di tur protesta cu oposicion a desaroya contra Nicolas Maduro na luna di april. Y cu a laga mas di 100 persona morto. Gobierno di Venezuela a reduci tur importacion pa Venezuela, pa evita un posibel stop di e pago, pero situacion ey a laga e pais den un crisis grave di cuminda y medicina.

Venezuela ta cerca di un default pasobra nan a paga cu retraso e bono di su empresa PDVSA. Awor Venezuela ta purba di restructura y refinancia su debe di 150.000 miyones di dollar.

Durante e ultimo 6 luna mas di un miyon y mey di Venezolano a huy, pa haya refugio na Colombia, y otro pais di region sur, documento Mericano a splica.

Grupo di pais cu ta bisiña di Venezuela no tin recurso, ni capacidad pa yuda e cantidad di hende, cu a huy como desplasa pa otro pais y cu ta laga nan como hende hopi vulnerabel dilanti di delitonan como trafico di hende y explotacion sexual”, Merca a splica.

“Economia na Venezuela ta cay rapidamente y e situacion di Venezuela lo bira pio, specialmente cu e pais aki den riesgo di cay den un default di su debe”, Merca a bisa.

Tur integrante di conseho lo tende varios discurso di banda di Luis Almagro, secretario di UNU, y di Zeid Ra’ad al Hussein, comisionado di ONU pa Derecho Humano, Julio Henríquez, coordinador di  ONG Foro Penal y  Joseph Donnelly, di organisacion catolico Caritas International.

Merca tabata purba di invita e grupo di Lima pa e reunion aki, cu ta integra pa 12 pais di Latino America y Canada, pero finalmente e grupo aki a dicidi cu no tabata un bon idea pa nan participa den reunion aki, diplomatico anonimo a bisa. Grupo di Lima a solicita hopi biaha na hefe di ONU y sistema di nacion uni pa duna atencion na crisis na Venezuela.

Haley a pidi na conseho pa centra nan discusion riba Venezuela, despues di un reunion cu a tuma luga na luna di mey.

Te awor e conseho ta bisa cu e grupo di organisacion regional ta e grupo mas indica pa purba di resolve e crisis aki.