Home Deporte Logros campeon den A-klas y ta promove pa AA

Logros campeon den A-klas y ta promove pa AA

195

Logros a gana di Blackhawks Playoff Heineken di Aruba Softball Bond (ABS) den A-klas. E team ta promove di biaha pa e categoria mas halto esta AA.

E ultimo wega a termina den 11-10 pa Logros. E resultadonan ta 11 careda, 9 hit, 1 error; Blackhawks 10 careda, 12 hit, 5 error, asina e organisacion ASB ta informa. Edgar Bautista ta pitcher ganado y Clay Shipley ta bat cas cu e derota. Miho batiadonan pa Logros ta Alvaro Rodriguez 3-2, Manuel Paula y Edgar Bautista 4-2. Pa Blackhawks a destaca na plato Yeised de Kort 1 homerun, Maikel Fingal y Yerick De Kort di 4-2, Brain Dale 2-1, Edgard Rafael di 4-2.

E premio pa Champion Pitcher a bay pa Juan Chirinos di Logros cu 7 victoria y 1 derota. Champion Batter di campeonato a resulta Joward Croes di 23-15 cu un averahe di 565 di e equipo di Celebreties. Champion Homerun a resulta Jose Baez tambe di Celebreties cu 5 homerun. MVP di campeonato a bay pa e pitcher Edgar Batista.