Home Internacional Hoben tabata esclavo di sex pa varios siman

Hoben tabata esclavo di sex pa varios siman

70

Polis ta purbando di localisa un dama yama Nicole kende a yuda e hoben di 17 aña scapa for di un cas na Sydney, Australia. Un hoben a bisa polis na Australia cu e tabata un esclavo di sex pa basta siman prome cu el a logra scapa cu ayudo di bon samaritano. E hoben di 17 aña, di nacionalidad Guinea, a yega na un centro di asilo na Sydney bisando cu e tabata den un camber unda cu regularmente varios homber tabata abusa di dje sexualmente. El a bisa e staff cu el a yega e ciudad na April despues di a topa un homber na su pais kende a ofrece pa bin cune Australia pa trabao. Segun autoridadnan, e hoben a wordo transporta pa Sydney door di un paspoort falso. Autoridadnan a start un investigacion mesora pa identifica e persona cu a yuda trece e hoben Australia den e manera ilegal aki. Nan no a haya e apartament ainda unda e sospechoso tabata tin e hoben scondi. AFP Human Trafficking Unit tambe ta investigando kende a yuda trece e hoben australia y exactamente ki tempo esaki a pasa.

E homber a bay cune na un cas den un caminda desconoci, cercania di e area metropolitano na Sydney, caminda cu a secuestra e hoben. E persona cu a yuda e hoben scapa a hib’e na e centro di asilo. Autoridadnan ta pidi pa e persona aki bini padilanti pasobra e ta un testigo grandi.