Home Regional Gobierno di Venezuela ta interveni den 709 panaderia na Caracas

Gobierno di Venezuela ta interveni den 709 panaderia na Caracas

34

Despues di e intervencion y hasta expropiacion di varios empresa den diferente ramo, gobierno socialista di Nicolas Maduro a dicidi di drenta den e operacion di 709 panaderia na Caracas, pa controla produccion y percura pa e produccion bay mayoritariamente na e comitenan di suministro di alimento, conoci como CLAP. Esey automaticamente ta implica cu no ta keda tanto pan pa distribucion directo na cliente cu ta acudi na e pandaerianan.

“Aki niun hende ta forma fila, esey ta prohibi. Tur hende ta sinta y ta warda te ora e pan sali”, Daylimar Rodrí- guez, fiscal di e Superintendencia Nacional pa Defensa di Derechonan Socio-economico (Sundde) ta bisa e hendenan cu ta warda pafo di e panaderia Pan House, riba avenida Solano.

Desde siman pasa Rodrí- guez ta encarga cu supervisa e inventario di e panaderia, di verifica con e preparacion di pan ta bay y dicidi cu cual cliente ta bende y cualnan no. Cada cierto tempo e ta drenta den e area di e panaderonan, cu tin e orden di saca e pan frances constantemente. Despues e ta bolbe na e area di atencion pa publico. “Awor mi ta sacando pan cada mey ora, mi ta saca pan frances y ta bende esaki na prijs regula. Pa evita cu tin ‘bachaqueo’ (re-benta ilegal) mi no ta bende na menor di 16 aña y mi no ta permiti cu mesun persona ta bay cu pan varios biaha.

Mi ta aki desde 7:00 or di mainta y mi sa ken a cumpra y ken no”, e persona ta sigura. Rodríguez ta un di e 3.900 funcionarionan cu desde diamars siman pasa gobierno a pone na trabao pa inspecciona e 709 panaderianan cu tin den Caracas. Ademas di e trahadornan di Sundde, tin guardia nacional y polis nacional, y milicia cu ta purba eradica e asina yama ‘guera di pan’ como parti di e Plan 700 di gobierno. Gilberto de Abreu, encargado di e panaderia, a indica cu pa por saca pan asina tras di otro, e panaderonan mester a traha dobel shift, pero ta insisti cu e problema ta cu no tin tanto hariña di trigo. “Ayera nan a trece 12 saco pa nos, cu ta dura un dia so.

Nos no sa ki dia nan ta bin trece atrobe”. Aunke cu un di e tareanan principal di e fiscalnan ta pa evita cu ta forma ‘cola’, nan no a logra esey completamente. Personanan cu yega na e establecimentonan automaticamente ta forma fila pa por tin orden. “Nos no kier forma cola, pero si nos no hacie, nos no sa ken a yega prome, anto ora nan saca e pan tur cos ta bira un desastre”, Rosa Mirabal ta bisa, un di clientenan di un panaderia den El Bosque. Temor ta reina Encargado y propietarionan di e panaderianan ta señala cu nan ta sinti temor pa e fiscalisacion, pasobra Sundde ya a ordena e “ocupacion temporal” di tres panaderia, acusa entre otro di acaparamento y especulacion.

E panaderia Mansion’s Bakery ta un di esunnan ocupa pa gobierno. Funcionarionan di Sundde y integrantenan di e Comitenan Local di Abastecimento y Produccion (CLAP) ta esnan encarga cu e panaderia na e momento aki, segun cliente y bisiñanan di e bario. E establecimento a haya otro nomber caba, e fachada a cambia y hasta e forma di comercialisa e pan. Awor e yama Minka y ayera mainta e tabata cera, pero e pannan tabata sali pa un otro porta y nan tabata hiba nan den vehiculo.