Home Deporte Federacion di tenis di mesa a tene nan torneo di ranking luna...

Federacion di tenis di mesa a tene nan torneo di ranking luna di november

137

Aruba Table Tennis Association a conoce un aña 2017 sigur satisfactorio mirando e bon desaroyo y resultadonan di nan atletanan. Den varios torneonan internacional renombra e atletanan a sobresali logrando premio mientras a logra diferente clasificacion y atende weganan grandi manera e Panamericano di tenis di mesa, Weganan Suramericano Hubenil y clasificacion Olimpico Hubenil.

Asina mes durante di henter aña e calendario di e federacion ta ocupa cu torneonan individual y team. Torneo di ranking ta socede tur luna pa asina defini e posicion di cada atleta. Recientemente e ATTA a tene nan peno ultimo ranking esta di november.

Den e categoria U10 y nobato nos a haya na 1er lugar Dylan de Leca, 2do lugar  Brandon de Leca, 3er lugar Lili Zheng. Den categoria U13, 1er lugar Bob Chung, 2do lugar Robert Dirksen, 3er lugar Marvin Diaz mientras den e categoria U18,  na 1er lugar nos a haya Jeandry Mathilda, 2do lugar Chingho Chung y 3rer lugar, Johnatan Paredes. Pa loke ta.  Bklas na 1er lugar a keda Alfred Leong na di 2do lugar, Bob Chung y na di 3er lugar, Wingchow Leong Wing y 4 lugar Jhon Dirksen. Den e categoria A klas a keda na 1er lugar Mario Lobo, 2do lugar a keda Chingho Chung y na di 3er lugar Franklin Lopes y 4 lugar a keda Jeandry Mathilda.

Un danki sigur na Lotto, e Loteria di Aruba pa medio di St. Sportsubsidie Aruba cu a subsidia e calendario annual di Aruba Table Tennis Association. Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e St. Sportsubsidie Aruba.