Home Breaking News Dos hoben ta perde nan bida durante protesta masal na Venezuela

Dos hoben ta perde nan bida durante protesta masal na Venezuela

77

Un hoben di 17 aña a perde su bida diaranson durante protestanan grandi na Venezuela pa medio di un tiro den cabes. Esaki ta e di seis persona cu ta fayece pa motibo di protestanan contra presidente Venezolano Nicolas Maduro.  Autoridadnan ta bisa cu un otro manifestante cu tabata protesta contra gobierno tambe a perde su bida algun rato despues diaranson merdia. Un dama di 23 aña identifica como Paola Ramirez a fayece pa medio di tiramento cu a bin for di hendenan cu ta pro gobierno. Gruponan di manifestante pro gobierno a rondona manifestantenan di oposicion den e ciudad di San Cristobal.

Den e capital di Caracas ta unda ultimamente un serie di violencia a inicia entre gruponan cu ta apoya Maduro  y esnan di oposicion. Miles di manifestante di parti di oposicion a purba di marcha riba central di Caracas anto akinan ta unda cos a cuminsa bay for di man. Esaki ta e demonstracion di mas grandi den e ultimo dos simannan di protestanan violento cu a resulta den mas cu 200 detencion. Merca tin preocupacion cu e desaroyo na Venezuela y ta sinti cu socialista Maduro ta purbando di silencia e bos di oposicion.