Home Deporte Brazil Taekwondo Stichting ta gana copa di Best Team

Brazil Taekwondo Stichting ta gana copa di Best Team

98
Diasabra ultimo San Nicolas Taekwondo Foundation bou liderasco di Master Eric Barry a organisa  e ultimo Campeonato di 2017. Brazil Taekwondo Stichting su team di Train Hard Fight Smart a gana e copa di Best Team.
Monica Pimentel a scoge e team di 7 atleta y Maelynn Fradl ta e unico di e team cu a perde su pelea contra di Kaylon Bislip kende no a duna Maelynn Fradl mucho espacio pa score punto. Awo cu Maelynn Fradl a perde contra di Kaylon Bislip ta pone cu Maelynn Fradl ta bay bin bek pa su revancha na 2018. Joshua Klaber y Rasheed Lowe a dicidi di tuma un descanso pa bin bek na 2018.  Monica Pimentel ta masha contento cu e resultadonan di e team completo cu a participa.
Brazil Taekwondo Stichting su team y directiva ta manda un pabien na tur e atletanan cu a participa na e ultimo campeonato di San Nicolas Taekwondo Foundation y por spera mas di BrazilTaekwondo Stichting den 2018.