Home Regional Bom a laga dos persona herida den empresa INDRA na Argentina

Bom a laga dos persona herida den empresa INDRA na Argentina

1

Diahuebs un artefacto explosivo di intensidad abao a explota y a laga dos persona herida, ora cu un trahado a habri un caha cu a yega na e oficina via post, pa e empresa cu ta encarga di traha cu eleccion primario legislativo na Argentina.

E explosion a tuma lugar diahuebs banda di 16:00 ora local den oficina di empresa multinacional Indra, na bario Puerto Madero, cu ta den centro di Buenos Aires, Ministerio di seguridad a informa.

E suceso a tuma lugar despues cu un recepcionista di e empresa a haya un caha via post. Ora cu e recepcionista a habri pakete, el a explota, y a laga e trahadonan cu lesion y kemadura. Un muhe a haya kemadura y un homber a haya traumatismo di su cuero. Tur dos a keda na bida, segun e documento cu a ser publica.

Segun e documento “tabata un artefacto di poder limita”

E bom den envelop a yega na un adres na Argentina y e tabata parce un encomienda. Tabata na e piso 5 di edificio Cecilia Grierson 255, na Puerto Madero – Argentina, caminda e empresa INDRA ta opera.

INDRA ta un compania cu ta traha cu conteo di voto den diferente eleccion na Argentina. Tambe Indra ta ofrece servicio tecnologico. Segun su webpage, INDRA ta traha cu proyectonan den sector manera transporte y trafico, administracion publico, telecomunicacion, energia y industria. Indra tin cliente di area publico y priva na Argentina.

Diadomingo na Argentina lo celebra eleccion di primario obligatorio, pa confirma e candidatura pa eleccion legislativo di 22 di october, dia cu ta renoba mita di Camara di diputado y otro parti di senado di Argentina.