Home Deporte AFC Ajax a contrata futbolista Argentino

AFC Ajax a contrata futbolista Argentino

87

Ayera merdia a yega Hulanda for di Buenos Aires, Argentina, e hungado nobo pa AFC Ajax, esta Nicolas Tagliafico. E futbolista a hunga pa CA Independiente y a debuta den e team nacional Argentino na 2017. Esaki segun e fuente Telegraaf di Hulanda. E futbolista di 25 aña di edad mester pasa algun test medico ainda, pero Ajax ta laga sa den e relato cu nan ta spera cu Tagliafico por cuminsa hunga mas pronto cu ta posibel. “Mi ta hopi orguyoso cu mi ta bay hunga pa AFC Ajax”, e Argentino a declara. Tagliafico a haya un contract pa 4 aña y mey, y a costa Ajax 4.5 miyon Euro.