Home Internacional Aerolineanan mester compensa pa buelo atrasa pa motibo tecnico

Aerolineanan mester compensa pa buelo atrasa pa motibo tecnico

253

STRASBURG – Un hues di Corte di husticia di Union Europeo a dicidi cu pasaheronan tin derecho riba daño y perhuicio ora cu tin un buelo retrasa of buelo cancela. Te hasta ora cu ta trata di un motibo ‘imprevisto’ consecuencia di un problema tecnico. Algo cu pa hopi tempo e aeroliñanan tabata debati. 

BUELO ANULA

Si un buelo keda anula, e aerolinea responsabel mester paga un daño y perhuicio di minimal 250 y maximal 600 euro pa pasaheronan. Esey ta segun e derecion di Union. E montante exacto di e suma, ta depende di e distancia di buelo. Pa Aruba y Corsou esaki ta 600 euro pa persona.

PROBLEMA TECNICO

Si tin problema tecnico cu ta deriva di fayo di fabrica cu tin consecuencia pa e seguridad di buelo (circumstancia extraordinario) e compania no semper mester paga un compensacion. Esey tambe ta conta pa retraso, a consecuencia di un sabotahe of terorismo.

CASO ORIGINAL

E sentencia ta basa riba un demanda di un pasahero Corina van der Lans, cu mester a warda no menos cu 29 ora di retraso na 2009 riba su buelo di Quito pa Amsterdam. E la exigi 600 euro di compensacion pero KLM e tempo ey a nenga esaki. E la demanda esey pasobra esey ta e reglanan. Pero aerolineanan no tabata honra esaki. Cu e veredicto ey, esaki ta cambia.

EUClaim contento

E instancia EUClaim cu ta asisti pasaheronan pa haya compensacion pa retraso. “Nos ta contento cu e sentencia pero nos a spera esaki si. Aerolineanan cada bes ta busca maneranan pa evita un claim di pago. E sentencia aki ta indica tambe cu aerolineanan tin cu tene nan mes na ley.